Ukas spalte i Firdaposten er nok mest morsom for de som følger lokalpolitikken i Høljebyen. Der har det vært rabalder ganske lenge nå, noe som kulminerte før sommeren med at helse og sosialutvalget ble oppløst. Dette fordi man ønsket å kvitte seg med lederen for HSU, Jacob Nødseth fra Høyre, men det var ikke mulig på lovlig vis uten å oppløse hele utvalget. Ingen grunn til å ta hele saken her for dere utenbys fra, men kontrollutvalget var delaktig i at det gikk som det gikk. Sist uke var det innkalt til pressekonferanse i Naustet på Quality Hotel, der den kastede lederen, sammen med Frps Frank Willy Djuvik og Bjarne Holme krevde en ekstern gransking av hele greia. Inkludert behandlingen saken fikk i kontrollutvalget. Som Bjarne Holme er leder for. Han krever altså en gransking av seg selv. Dermed var farsen komplett, og ideen til denne spalten født…

Lat meg først få starte denne spalta med å ønskje alle velkommen hit, til Nautet her på Quality, og denne her pressekonferansen. Gledeleg at så mange kunne kome på så kort varsel. Ja, eg ser du har handa i veret der borte Knut men no er det eg som har ordet. Det vil bli åpna for spørsmål etterpå. No til saka. Eg driv altså på med det her spaltegreiene kvar laurdag i Firdaposten, som deire jo veit, men eg har i det siste vorte meir og meir usikker. Tilbakemeldingane varierar. Nokon meiner det er for mykje bannskap og utukt. Andre meiner at eg er og blir ein tosk. Medan atter andre berre kjem med skryt. Slik kan vi ikkje ha det. Eg vil ha ei oppklaring kring om denne spalta har vore handsama korrekt. Eg ber difor om at det blir gjort ein ekstern vurdering av dette snarast mogleg.
Dette er ikkje daglegdags, men eg har brukt store delar av sumaren på å orientere meg i saka. Det er nesten slik at eg vurderer å ha med meg ein kommunikasjonsrådgjevar når eg skal skrive ein spalte, for ofte kan eg oppleve at eg har skreve ein heilt vanleg spalte om eit alvorleg tema, og så kjem folk bort og skuldar meg for å skrive morosamt i avisa. Som om eg er ein annan bajas. Slik kan vi ikkje ha det. Av omsyn til Firdapostens omdømme, og av omsyn til omdømmet til dei involverte personane må fakta på bordet. Firdaposten kan ikkje leve med den situasjonen vi no er i. Ja Knut, eg ser du har handa i veret att. Må du på do, eller skal du spørre om noko?
– Bortsett fra å syta og klaga, kva slags spik er det no du har laga…
– Nei nei nei! Slikt høyrer ingen stads heime. Dette er Firdaposten Knut. Breiflabbfri sone. Eg svarar ikkje på spørsmål stilt på rim! Spar det til Firda. Du får freiste ein gong til.
– Lat meg omformulere. Du seier altså du vil ha ein ekstern gransking av denne spalta. Ein spalte som du sjøl har ført i pennen, og har hatt det heile og fulle ansvaret for?
– Det er riktig.
– Har det klikka heilt for deg no?
– Eg har aldri vore klarare i toppen. Eg meiner dette er heilt naudsynt. Det verkar som redaktøren og staben nederst i Markagata ønskjer å drive avisa slik dei vil og at spaltistar på freelance eksisterer berre fordi dei MÅ vere der. Slik kan det ikkje vere. Dette er ikkje demokrati. Dette er fascisme. Eller noko anna. Eg veit eigentleg ikkje heilt kva det er for noko skal eg vere ærleg. Eg trur eg mista tråden eit augeblikk, men essensen ligg der. Vi kan ikkje ha det slik. Eg krev ein ekstern gransking som kan seie noko om korleis spalta skal sjå ut, og kva den skal handle om. Har den vore handsama korrekt. Fakta må på bordet. Ja, eg ser handa di Knut, men ikkje på rim, høyrer du!
– Så du har altså aldri vore klarare i toppen enn akkurat no. Du vil ha ein ekstern gransking av ein spalte du sjølv skriv, og du skuldar redaktøren din for fascisme.
– Eller noko anna.
– Eller noko anna. Kven ser du for deg skal gjere jobben med å granske denne spalta?
– Det viktige er at granskarane er uavhengige av Firdaposten, og at minst ein av dei er journalist med spaltefagleg bakgrunn. Slik redaktøren resonnerer framstår det slik at frilansarar ikkje kan sitte dersom administrasjonen ikkje har ein stol til dei. Det er å snu ting totalt på hovudet. Det rette er å seie at ingen kan sitte om ikkje ein vaktmestar eller nokon andre setter ut nok stolar til alle.
– Trur du redaktør Vee kjem til å gå med på kravet ditt om å sette i gong ein slik prosess? Trur du det kjem til å kome noko som helst ut av det her?
– Nei.
– Så kvifor gjer du dette? Kva er eigentleg vitsen?
– Vitsen? Tror du eg er ein stand-up komikar? Ein bajas? Politikar kanskje? Eg er ikkje morosam, dette er alvor!
– Jau, men om du ikkje trur dette utspelet vil føre til noko, er det da noko meinig i å kome med det i det heile?
– Meining og meining, eg fekk då fylt ein side i avisa i dag også.
– Blei det ein bra side meinar du?
– Det overlet eg til den eksterne granskinga å finne ut av.